Буюк Британиянинг Бедфорд шаҳри яқинида икки йўловчи поезди тўқнашиб кетиши оқибатида камида бир киши ҳалок бўлди, яна 89 киши турли даражада жароҳат олди. Бу ҳақда The New York Times хабар берди.
Маълум қилинишича, ҳодиса 19 июнь куни маҳаллий вақт билан соат 17:15 атрофида содир бўлган. Воқеадан сўнг қутқарув хизматлари ва тиббиёт ходимлари иштирокида кенг кўламли операция бошланган.
Шарқий Англия тез ёрдам хизмати маълумотига кўра, 33 киши оғир, 56 киши эса енгил жароҳатланган. Кейинроқ ҳалок бўлган шахс поездлардан бири машинисти экани маълум қилинди.
Буюк Британия бош вазири Кир Стармер ҳодисани ташвишли деб атаб, қурбоннинг яқинлари ва жабрланганларга ҳамдардлик билдирди.
Ҳозирда мутахассислар тўқнашув сабабларини аниқлаш учун тергов ишларини олиб бормоқда.
