2026 йилги футбол бўйича Жаҳон чемпионатининг “E” гуруҳи 2-туридан ўрин олган Германия ва Кот-д’Ивуар терма жамоалари ўртасидаги учрашув драматик тарзда якунланди. Немислар қийинчилик билан бўлса-да, 2:1 ҳисобида ғалаба қозониб, кейинги босқич йўлланмасини деярли ҳал қилди.
Канададаги Торонто шаҳрида жойлашган “Бимо Филд” стадионида ўтган баҳсни парагвайлик ҳакам Хуан Габриэль Бенитес бошқариб борди.
30-дақиқада Кот-д’Ивуар ярим ҳимоячиси Франк Кесси ҳисобни очди ва африкаликлар биринчи бўлимни минимал устунлик билан якунлади.
Иккинчи бўлимда Германия босимни кучайтирди. 68-дақиқада ҳужумчи Дениз Ундав ҳисобни тенглаштирди. Учрашув эса қўшимча дақиқаларгача давом этиб, 90+4-дақиқада яна ўша Ундав гол уриб, дубль муаллифига айланди ва жамоасига ғалаба келтирди — 2:1.
Икки турдан сўнг Германия 6 очко билан “E” гуруҳида якка пешқадам бўлиб турибди. Кот-д’Ивуар эса 3 очко билан иккинчи ўринни эгаллаган. Сўнгги турда Германия Эквадорга қарши, Кот-д’Ивуар эса Кюрасаога қарши майдонга тушади.
