АҚШ, Канада ва Мексика мезбонлигида ўтаётган футбол бўйича 2026 йилги жаҳон чемпионатининг 2-туридан ўрин олган Португалия ва Ўзбекистон миллий терма жамоалари ўртасидаги учрашувда ишлайдиган ҳакамлар бригадаси маълум бўлди. Бу ҳақда Ўзбекистон футбол ассоциацияси матбуот хизмати хабар қилди.
Ўзбекистон футбол ассоциацияси матбуот хизмати хабарига кўра, ушбу баҳсни марокашлик ФИФА ҳаками Жалол Жайед бошқариб боради. Қанотларда унга ҳамюрти — Закария Бринси ва Мустафо Акаркaд ёрдам кўрсатади.
Учрашувнинг тўртинчи ва бешинчи ҳакамлари сифатида Жанубий Африка Республикаси вакиллари Абонгайл Том ва Захеле Сивела жалб этилган.
Эслатиб ўтиш жоиз, Жалол Жайед жорий жаҳон чемпионати доирасида Германия ва Кюрасао терма жамоалари ўртасидаги 1-тур учрашувини ҳам бошқарган. Ушбу ўйинда “немис машинаси” рақибини 7:1 ҳисобида йирик мағлубиятга учратган.
Португалия ва Ўзбекистон ўртасидаги гуруҳ босқичининг 2-тур учрашуви 23 июнь куни бўлиб ўтади. Беллашув Тошкент вақти билан соат 22:00 да старт олади.
