Қашқадарёлик Иккинчи жаҳон уруши қатнашчиси Рўзибой Сатторов 116 ёшида вафот этди. У Ўзбекистондаги энг кекса уруш фахрийларидан бири эди.
Қамаши туманида яшаган Рўзибой ота Иккинчи жаҳон уруши йилларида Сталинград фронтида ўқчи сифатида хизмат қилган.
Ўтган йили давлат раҳбари топшириғи билан унинг кўп йиллик орзуси рўёбга чиқарилган эди. Фахрий Мудофаа вазирлиги Ҳарбий ҳаво кучларига қарашли самолётда парвоз қилиб, унутилмас таассуротларга эга бўлган.
Маълумот учун, Иккинчи жаҳон уруши йилларида Қашқадарё вилоятидан 47 мингдан ортиқ киши фронтга сафарбар этилган бўлиб, уларнинг 22 минг нафари урушдан соғ-омон қайтган.
