Унинг айтишича, футбол академиясида таҳсил олган вақтларида эски бутсаларни тикиб, қайта ишлатишга яроқли ҳолатга келтирган.
"Болаларнинг бутсасини тикардим. Жуда яхши тикардим. Болалар пул беришарди. Ўзимизга ҳам, оиламизга ҳам озроқ ёрдам бўлсин дердик. Эски чарм буюмларни йиғиб, улардан ямоқ қилардик. Ҳатто икки-учта бутсадан битта бутса чиқарадиган даражада тикканмиз", дейди футболчи.
Шукуровнинг сўзларига кўра, у футбол тўпларини ҳам таъмирлаб берган. Академиядаги ҳар бир гуруҳ мураббийлари эскириб қолган тўпларни олиб келиб беришган.
"Ўнта тўпни тиклаб берсам, битта тўп менга қоларди. Академиядаги хонам тўп ва бутсалар билан тўлиб кетган бўларди. Меҳнатдан ҳеч қачон қочмаганмиз", дейди у.
Футболчи мазкур хотиралари билан "Medialab" агентлигига берган интервьюсида ўртоқлашган.
