Учрашувда томонлар икки давлат ўртасидаги сиёсий ва иқтисодий ҳамкорликни кенгайтириш масалаларини муҳокама қилди. Эфиопия раҳбари Ўзбекистоннинг мамлакатдаги биринчи элчиси тайинланганини юқори баҳолаб, муносабатлар янада мустаҳкамланишига ишонч билдирди. Бу ҳақда Dunyo Ахборот агентлиги хабар берди.
Ашраф Хўжаев эса Шавкат Мирзиёевнинг саломи ва эзгу тилакларини етказиб, ўзаро манфаатли ҳамкорликни ривожлантиришга тайёрлигини таъкидлади.
Эфиопия Президенти эса Шавкат Мирзиёевга икки давлат ўртасидаги муносабатларни ривожлантиришга қаратилган ташаббуслари учун миннатдорлик изҳор этиб, ўзининг самимий тилакларини йўллади.
Маълумот учун, Ашраф Хўжаев 2024 йилдан буён Ўзбекистоннинг Қатардаги элчиси бўлиб ишлаб келмоқда. У, шунингдек, Жанубий Африка Республикаси ва энди Эфиопияда ҳам ўриндошлик асосида элчилик вазифасини бажаради.
Эслатиб ўтамиз, Ўзбекистон ва Эфиопия ўртасида дипломатик муносабатлар 1996 йил 15 июль куни ўрнатилган.
