Педагогика олий таълим муассасаларининг мактабгача таълим йўналиши бўйича дуал таълим шаклидаги бакалавриатга ҳужжат қабул қилиш жараёни якунланишига бир кун қолди.
Маълум қилинишича, 2026–2027 ўқув йили учун мактабгача таълим йўналишида бакалаврларни дуал таълим шаклида (1+5) тайёрлаш дастурига рўйхатдан ўтиш жараёнлари давом этмоқда.
Аризалар 25 июнь куни ҳам қабул қилинади ва шу санада рўйхатдан ўтиш якунланади.
Мазкур дастурда мактабгача таълим ташкилотларида камида уч йил меҳнат стажига эга бўлган ўрта махсус маълумотли ходимлар иштирок этиши мумкин.
Номзодлар Ягона интерактив давлат хизматлари портали орқали ёки Билим ва малакаларни баҳолаш агентлигининг махсус электрон платформасида рўйхатдан ўтиш имкониятига эга.
Қайд этилишича, дуал таълим шакли назарий билимларни амалиёт билан уйғунлаштирган ҳолда юқори малакали кадрлар тайёрлашга хизмат қилади.
