Куни кеча Олий таълим, фан ва инновациялар вазирлигида Президентимиз томонидан янги имзоланган “Олий таълим, фан ва инновациялар тизимини такомиллаштиришнинг қўшимча чора-тадбирлари тўғрисида” 2026 йил 10 апрелдаги ПФ-58-сон фармонининг мамлакатимиз илмий салоҳиятини ошириш ва олий таълим сифатини янги босқичга олиб чиқишдаги аҳамияти, шунингдек, 2026 йилнинг 1-чораги давомида Президент ҳамда ҳукумат ҳужжатларида олий таълим, илм-фан ва инновациялар соҳаси бўйича белгиланган топшириқларнинг ижро ҳолати ҳақида кенг жамоатчилик ва оммавий ахборот воситалари вакиллари иштирокида матбуот анжумани бўлиб ўтди.
Олий таълим вазирининг таъкидлашича,“Шу кунгача кўпчилик университетлар фақат дарс ўтиш билан чекланиб қолган эди. Биз дунё тажрибасини кўрсак-да, йиллар кесимида Ўзбекистон олийгоҳларини кузатсак-да ОТМлар изланишлар билан тадқиқотлар билан шуғулланмаса бунақа университетларни келажаги бўлмайди” - Қўнғиротдай Шарипов
Янги тизим орқали олийгоҳлар ўзи янгилик яратадиган, уни бозорга олиб чиқадиган ва шу орқали ўзини ўзи молиялаштира оладиган яхлит инновацион марказга айланади.
Шунингдек, U-10 дастури – Илмий кластерлар, миллий рейтинг тизими ва рақамли экотизим каби муҳим ташаббуслар соҳани келгуси тараққиётини белгилаб беради.
U-10 нима? У 10 дастури орқали глобал даражадаги илғор университетлар лойиҳаси жорий этилади ва олийгоҳларга миллий тадқиқот университети мақоми бериш йўлга қўйилади.
Давлат илмий дастурлари доирасида илмий кластер ташкил этиш йўналиши бўйича ғолиб бўлган 10 та олийгоҳларга берилади.
Ҳар бир У -10 га кирган университетларга илмий лойиҳаларни амалга ошириш учун 150 млрдгача маблағ ажратилади.
