Венесуэлада 7,1 магнитудали кучли зилзила қайд этилди. Ер силкиниши мамлакат пойтахти Каракас шаҳрида ҳам сезилиб, бир қатор биноларга шикаст етказган. Бу ҳақда халқаро оммавий ахборот воситалари хабар бермоқда.
Маълум қилинишича, зилзила эпицентри Каракас шаҳридан тахминан 168 километр ғарбда, Морон шаҳри яқинида жойлашган. Ер ости силкинишлари оқибатида пойтахт ва унга туташ ҳудудларда аҳоли орасида саросима кузатилган.
Хабарларга кўра, дастлаб 7,1 магнитудали зилзила содир бўлган бўлса, ортиқча вақт ўтмай яна бир кучли ер силкиниши қайд этилган. Натижада айрим бинолар қисман қулаган, аҳоли хавфсиз ҳудудларга эвакуация қилинган.
Ҳозирча қурбонлар ва жабрланганлар сони бўйича расмий маълумот эълон қилинмаган. Мутасадди ташкилотлар қидирув-қутқарув ишларини олиб бормоқда.
