Маълум қилинишича, Руанда Ўзбекистон билан дипломатик алоқалар ўрнатган 167-давлатга айланди. Ўзбекистон ташқи ишлар вазири ҳамда Руанда ташқи ишлар ва халқаро ҳамкорлик вазири Оливе Ндуҳунгиреҳе дипломатик муносабатлар ўрнатиш тўғрисидаги Қўшма коммюникени имзолади.
Шунингдек, икки мамлакат ташқи ишлар вазирликлари ўртасида сиёсий маслаҳатлашувлар механизмини йўлга қўйиш тўғрисидаги Англашув меморандуми ҳам имзоланди.
Ушбу ҳужжатларнинг имзоланиши Ўзбекистоннинг Африка қитъаси давлатлари билан ҳамкорликни кенгайтириш йўлидаги навбатдаги муҳим қадам сифатида баҳоланмоқда.
