Ўзбекистонда 2026 йил май ойи якунларига кўра, банк тизимидаги муаммоли кредитлар ҳажми 1,7 триллион сўмга (7,7 фоиз) ошган. Бу ҳақда
Марказий банк маълум қилишича,1 июнь ҳолатига кўра, мамлакатда қайтарилмаётган кредитларнинг умумий миқдори 23,6 триллион сўмдан ошган. Таққослаш учун, 1 май куни бу кўрсаткич 21,9 триллион сўмни ташкил этган эди.
Муаммоли кредитларнинг 16,7 триллион сўми давлат банклари ҳиссасига тўғри келади. Бу бир ой аввалги кўрсаткичга нисбатан 1,6 триллион сўмга кўп. Қолган 6,9 триллион сўм эса хусусий банклар улушига тўғри келиб, бир ой ичида 100 миллиард сўмга ошган.
Энг йирик муаммоли кредитлар давлат банкларида қайд этилган. Жумладан, Ўмиллийбанк 3,54 триллион сўм билан биринчи ўринда турибди. Кейинги ўринларда Агробанк (3,1 триллион), Ўсқбанк (2,1 триллион), Асакбанк (1,94 триллион), Микрокредитбанк (1,78 триллион), Халқбанк (1,75 триллион) ва Бизнесбанк (1,1 триллион) қайд этилган.
Хусусий банклар орасида энг катта муаммоли кредитлар Капиталбанк (1,3 триллион сўм) ҳиссасига тўғри келган. Кейинги ўринда эса Ипотекабанк (1 триллион сўмдан ортиқ) қайд этилган.
Маълумотларга кўра, 2025 йил якунида муаммоли кредитлар ҳажми 18,05 триллион сўмгача қисқарган бўлса-да, жорий йил давомида қайта ўсиш кузатилмоқда. Январда 19,3 триллион, февралда 20,2 триллион, мартда 19,86 триллион сўмни ташкил этган. Апрель ойида эса қарз ҳажми яна ошган.
Умумий ҳисобда, сўнгги беш йил ичида мамлакатда муаммоли кредитлар ҳажми сезиларли даражада ўсган. 2021 йил бошида 5,8 триллион сўм бўлган кўрсаткич кейинги йилларда бир неча баробар ошган.
