2026 йилги Жаҳон чемпионати гуруҳ босқичининг биринчи туридан сўнг FIFAнинг расмий Physical Tracking Data маълумотлари асосида мусобақанинг энг тезкор футболчилари рейтинги эълон қилинди.
Унга кўра, Ўзбекистон миллий терма жамоаси ҳимоячиси Абдуқодир Ҳусанов 36,5 км/соат тезлик қайд этиб, энг тезкор футболчилар учлигидан ўрин олди. Худди шундай натижани Англиянинг "Манчестер Сити" клуби ҳамда Норвегия миллий терма жамоаси ҳужумчиси Эрлинг Холанд ҳам кўрсатган.
Рейтингда биринчи ўринни Австралия миллий терма жамоаси ҳимоячиси Жордан Бос эгаллади. У 36,7 км/соат тезликка эришган.
Қайд этиш жоиз, Physical Tracking Data тизими FIFA томонидан ўйинчиларнинг жисмоний фаоллиги ва ҳаракат тезлигини замонавий технологиялар орқали кузатиб бориш учун қўлланилади. Ушбу маълумотлар Жаҳон чемпионати баҳслари давомида мунтазам янгиланиб боради.
