АҚШ Президенти Дональд Трамп ФИФА президенти Жанни Инфантинодан АҚШ терма жамоаси ҳужумчиси Фоларин Балогунга нисбатан қўлланган дисквалификацияни бекор қилишни шахсан сўраган. Бу ҳақда Reuters агентлиги хабар берди.
Манбага кўра, Трамп ўтган ҳафта Инфантинога қўнғироқ қилиб, мазкур масалани шахсан муҳокама қилган.
Аввалроқ ФИФА Интизом қўмитаси Балогуннинг дисквалификациясини тўхтатиб тургани ва унга Жаҳон чемпионати 1/8 финалида Бельгияга қарши майдонга тушишга рухсат бергани маълум қилинган эди. Шундан сўнг Трамп ўзининг Truth Social ижтимоий тармоғида ФИФАга миннатдорлик билдириб, ташкилот "тўғри қарор қабул қилди ва катта хатони тузатди", деб ёзди.
Фоларин Балогун Жаҳон чемпионати 1/16 финалида Босния ва Герцеговинага қарши учрашувда рақиби Тарик Муҳаремовичга нисбатан қўпол ҳаракат қилгани учун тўғридан тўғри қизил карточка олган эди. Амалдаги қоидаларга мувофиқ, у кейинги учрашувни ўтказиб юбориши керак эди.
Маълумот учун, АҚШ ва Бельгия ўртасидаги Жаҳон чемпионати 1/8 финал баҳси 7 июль куни бўлиб ўтади.
