Тошкент шаҳрининг Юнусобод туманида жойлашган офисдан 880 миллион сўм ўғирлаганликда гумонланган шахс қўлга олинди. Бу ҳақда Ички ишлар вазирлиги маълум қилди.
Маълум қилинишича, ўғирлик ҳақидаги хабардан сўнг тезкор-қидирув тадбирлари олиб борилиб, гумонланувчи аниқланган ва ушланган. Тергов давомида у ўғирланган пулларни яшаш хонадони ёнида турган Foton юк автомашинасига яширганини айтган. Пул маблағлари ашёвий далил сифатида олиб қўйилган.
Мазкур ҳолат юзасидан Жиноят кодексининг 169-моддаси (ўғирлик) билан жиноят иши қўзғатилган. Гумонланувчига нисбатан қамоқ эҳтиёт чораси қўлланилган. Тергов ҳаракатлари давом этмоқда.
