2026 йилнинг биринчи чорагида Ўзбекистонда фаолият юритаётган хорижий IT-компаниялар томонидан тўланган солиқлар ҳажми сезиларли даражада ошди. Жами 89 та электрон хизмат провайдери 65,7 млрд сўм солиқ тўлаган.
Солиқ қўмитаси маълумотига кўра, бу кўрсаткич 2025 йилнинг шу даврига нисбатан 81 фоизга кўпдир. Тушумларнинг асосий қисми йирик халқаро компаниялар ҳиссасига тўғри келади.
Энг кўп солиқ тўлаган компаниялар орасида Apple — 16,1 млрд сўм билан биринчи ўринни эгаллади. Google — 14,9 млрд сўм, Meta эса 13,9 млрд сўм солиқ тўлаган.
Шунингдек, Valve Corporation 8 млрд сўм, OpenAI 2,5 млрд сўм, Anthropic 1,5 млрд сўм тўлов амалга оширган.
Қолган компаниялар, жумладан TikTok, Booking.com ва Netflix ҳам солиқ тушумларига ўз ҳиссасини қўшган.
Эслатиб ўтамиз, Ўзбекистонда 2020 йилдан хорижий электрон хизматлар учун ҚҚС тўлаш тартиби жорий этилган бўлиб, 2025 йилдан рўйхат янада кенгайтирилган.
