Англия терма жамоаси ярим ҳимоячиси Жуд Беллингем Жаҳон чемпионати-2026 ярим финалида Аргентинага 1:2 ҳисобида мағлуб бўлган учрашувдан кейин Лионель Месси билан майдондаги мулоқоти юзасидан изоҳ берди.
Беллингемнинг айтишича, ижтимоий тармоқларда муҳокама қилинаётган суҳбатда ҳеч қандай жанжал ёки ҳақорат бўлмаган.
"Месси билан бўлган суҳбатимиз аслида қоидабузарлик ҳақида эди. Ҳеч қандай ёмон гап бўлмади. Ишончим комилки, кўпчилик бу ҳолатни бўрттириб кўрсатишга ҳаракат қилади, лекин аслида ҳеч нарса бўлмаган.
Мен аввалроқ бир вазиятда қоидабузарлик бўлган деб ўйлагандим. У эса: “Менга нисбатан бўлган вазият ҳақида нима дейсан?” деб сўради. Мен унга: “Сен бундай ҳолатга чидай оладиган даражада кучлисан”, деб жавоб бердим», деди Беллингем.
У, шунингдек, Лионель Мессига қарши майдонга тушиш ўзи учун катта шараф бўлганини таъкидлади.
"Албатта, биз мағлуб бўлдик ва бу жуда оғир. Лекин дунёнинг энг яхши футболчиларидан бирига қарши ўйнаш мен учун катта шараф. Мессига омад тилайман", деди у.
Беллингем Англия терма жамоаси келажакда яна соврин учун курашишини ҳам қайд этди.
"Биз яна қайтамиз. Англияга кубок олиб келиш учун қўлимиздан келган барча ишни қиламиз. Бу мағлубият жуда аламли. Мен Англия билан тарих яратган жамоанинг бир қисми бўлишни истагандим.
Мухлисларга йиллар давомида эшитиб келган гапларни яна такрорлаш жуда оғир. Бугун биз учун қайғули кун. Биз яхши ўйнадик, бор кучимиз билан курашдик, аммо бу етарли бўлмади.
Ҳозир фикрларимни фақат умидсизлик эгаллаб турибди. Мухлисларимиздан узр сўрайман", дея сўзини якунлади англиялик футболчи.
