ФИФА Канададаги ўрмон ёнғинлари оқибатида Нью-Йорк ва унинг атрофини қоплаган смогга қарамай, жаҳон чемпионати финалини бошқа жойга кўчиришни режалаштирмаяпти. Бу ҳақда Bloomberg хабар берди.
Маълум қилинишича, юзага келган вазият юзасидан ФИФА ва АҚШ Оқ уйининг 2026 йилги жаҳон чемпионати бўйича ишчи гуруҳи раҳбари Эндрю Жулиани ўртасида норасмий муҳокамалар ўтказилган.
Синоптиклар маълумотига кўра, ҳаво сифати 18 июль куни қисман ёмонлашган бўлса-да, 19 июлга келиб смогнинг асосий қисми тарқалиши кутилмоқда.
Жаҳон чемпионати финали Ист-Ратерфорд шаҳридаги "Метлайф" стадионида бўлиб ўтади. 17 июль эрталаб Нью-Йоркда ҳаво сифати индекси 166 ни ташкил этган ва бу "соғлиқ учун зарарли" даража сифатида баҳоланган. Ҳозирда ушбу кўрсаткич 67 гача пасайган бўлиб, у ҳавонинг ўртача даражада ифлосланганини англатади.
Аргентина ва Испания ўртасидаги финал баҳси Тошкент вақти билан 20 июль куни соат 00:00 да бошланади.
