Норвегия жанубидаги Драммен коммунасида содир бўлган йирик ёнғин оқибатида 100 дан ортиқ уй вайрон бўлди, юзлаб аҳоли хавфсиз ҳудудларга кўчирилди.
NRK маълум қилишича, ёнғин Крокстаделв шаҳрида жума куни тушдан кейин бошланган. Дастлаб бир хонадонда чиққан олов қисқа вақт ичида қўшни уйлар ва атроф ҳудудларга тарқалган.
Ҳодиса оқибатида камида уч киши, жумладан, бир нафар ўт ўчирувчи жароҳат олган. Шунингдек, саккиз нафар полиция ходими тутундан заҳарланган.
Вестфолл ҳудудлараро ёнғин хавфсизлиги хизмати раҳбари Ян Хелге Кайсернинг маълум қилишича, 18 июль куни эрталаб ёнғин назорат остига олинган, аммо уни тўлиқ ўчириш ишлари давом этмоқда. Ҳудудда ва яқин ўрмонларда ҳали ҳам бир нечта ёнғин ўчоқлари сақланиб қолган.
Ёнғинни бартараф этиш ишларига ўнта ёнғин хавфсизлиги бўлинмаси жалб қилинган.
