Эрон олий раҳбари Можтаба Хоманаий Эрон ва АҚШ ўртасидаги келишув бузилгани ҳақида баёнот берди. Унинг таъкидлашича, Вашингтоннинг келишувдан воз кечиши АҚШ президенти имзосининг ишончлилиги ва аҳамиятига шубҳа уйғотади. Бу ҳақда у Х ижтимоий тармоғидаги саҳифасида ёзди.
Хоманаий ўз баёнотида АҚШни танқид қилиб, мамлакатнинг халқаро келишувларга муносабати доимий равишда савол остида қолиб келаётганини билдирди. У Вашингтоннинг ҳаракатларини "келишувларни бузиш" деб баҳолади.
Унинг таъкидлашича, АҚШнинг бир неча бор келишувлардан чекиниши Америка президенти имзосининг "қиймати ва ишончлилиги"га шубҳа уйғотади. Хоманаий Вашингтон яна ўзининг "ҳақиқий қиёфаси"ни намоён қилганини айтди ва АҚШ ҳаракатларини танқид қилди.
Эрон олий раҳбари, шунингдек, мамлакат халқи давлат институтларига ишончни сақлаб қолиши, миллий манфаатларни ҳимоя қилиш ва жамиятда бирликни мустаҳкамлаш муҳимлигини таъкидлади.
Хоманаий Эрон ва "Қаршилик ўқи" АҚШ билан қарама-қаршилик жараёнида "унутилмас сабоқлар" олганини билдирди. Унинг сўзларига кўра, агар кескинлик яна кучайса, Теҳрон ва унинг иттифоқчилари бунга жавоб беришга тайёр.
