Наманган вилоятининг Янгиқўрғон туманида қишлоқ хўжалиги экинларини дўлдан ҳимоя қилиш мақсадида 18 та "Алазань-6" дўлга қарши ракета қўлланилди. Бу ҳақда "Ўзгидромет" хабар берди.
Маълум қилинишича, 23 июль куни Қирғизистон ҳудудидан Янгиқўрғон тумани томон конвектив дўлли булутлар силжиган. Бунинг натижасида ҳудудда кучли дўл ёққан.
Шундан сўнг Янгиқўрғон гидрометеорология мажмуаси мутахассислари дўл ёғишининг давом этишига йўл қўймаслик ҳамда қишлоқ хўжалиги экинларини унинг салбий таъсиридан ҳимоя қилиш мақсадида дўлли булутларга таъсир кўрсатиш ишларини амалга оширган.
Жами 18 та "Алазань-6" дўлга қарши ракета ишлатилган. Улардан 6 таси 1-сонли технологик қўмондонлик пунктидан Исковот, Янгиҳаёт ва Хадикент йўналишларида, яна 6 таси 3-сонли пунктдан Боғистон ва Ўртайалонғоч йўналишларида учирилган.
