Жанубий Кореянинг Пусан шаҳрида ўтказилган ЮНЕСКО Умумжаҳон мероси қўмитасининг 48-сессиясида Тошкент модернизм меъморчилиги объектлари ташкилотнинг Умумжаҳон мероси рўйхатига расман киритилди.
Президент администрацияси раҳбари Саида Мирзиёеванинг маълум қилишича, бу сўнгги 25 йил ичида Ўзбекистон томонидан тақдим этилган миллий номинациянинг илк бор ЮНЕСКОнинг мазкур нуфузли рўйхатидан ўрин олишидир.
Унинг таъкидлашича, мазкур қарор нафақат алоҳида меъморий объектлар, балки 1966 йилги зилзиладан кейин Тошкентнинг қайта барпо этилиши билан боғлиқ бутун бир тарихий даврнинг халқаро даражада эътироф этилиши ҳисобланади.
Саида Мирзиёева ушбу воқеани Ўзбекистоннинг бой меъморий меросини асраб-авайлаш, уни халқаро миқёсда тарғиб қилиш ва келажак авлодларга етказиш йўлидаги муҳим қадам деб баҳолади.
