FIDE томонидан эълон қилинган таркибга кўра, аёллар ўртасида жаҳон рейтингида 5-ўринни эгаллаб турган Асаубаева Қозоғистон терма жамоасининг асосий етакчиларидан бири сифатида Самарқанддаги нуфузли мусобақада баҳс олиб боради.
Қозоғистон аёллар терма жамоаси таркибидан, шунингдек, жаҳон қизлар рейтингида 2-ўринда турган Алуа Нурман, 4-ўрин соҳиби Меруерт Камалиденова, Элназ Калиахмет ҳамда Зарина Нурғалиева ўрин олган.
Маълумот учун, 46-Бутунжаҳон шахмат олимпиадаси 2026 йил 15–27 сентябрь кунлари Самарқанд шаҳрида бўлиб ўтади. FIDE рейтинг кўрсаткичларига кўра, Қозоғистон аёллар терма жамоаси мусобақанинг тўртинчи рақамли жамоаси сифатида қайд этилган.
