Ўзбекистон 2026 йилнинг биринчи ярмида хориждан 72 минг тонна мол гўшти импорт қилди. Бу ҳақда Миллий статистика қўмитаси маълумот берди.
Қайд этилишича, январь-июнь ойларида Ўзбекистон 359,5 миллион АҚШ долларлик мол гўшти олиб кирган. Бу кўрсаткич ўтган йилнинг мос даврига нисбатан 6 минг тоннага ёки 9,1 фоизга кўп.
Мамлакатга энг кўп мол гўшти етказиб берган давлатлар рўйхатида Ҳиндистон етакчилик қилган.
2026 йилнинг январь-июнь ойларида Ўзбекистонга:
— Ҳиндистондан — 33,9 минг тонна;
— Беларусдан — 19,6 минг тонна;
— Қозоғистондан — 10,6 минг тонна;
— Покистондан — 4 минг тонна;
— бошқа давлатлардан — 4 минг тонна мол гўшти импорт қилинган.
Шу тариқа, ҳисобот даврида Ўзбекистон бозорига киритилган мол гўшти импортининг энг катта қисми Ҳиндистон ҳиссасига тўғри келган.
