Тошкент шаҳрининг Шайхонтоҳур туманида аёлга тегишли йўқолган телефондан фойдаланиб, банк картасидаги 11,5 миллион сўмни ўзлаштирган шахс қўлга олинди.
Маълум қилинишича, аёл кечки пайт кўчада сайр қилиб юрган вақтида мобил телефонини йўқотиб қўйган ва бу ҳақда Шайхонтоҳур тумани ИИБ Тергов бўлимига мурожаат қилган.
Телефонни 2008 йилда туғилган А. исмли шахс топиб олган. У қурилмадан ноқонуний равишда фойдаланиб, жабрланувчининг пластик картасига уланган мобил иловага кирган.
Шундан сўнг у карта ҳисобидаги 11 миллион 500 минг сўмни ечиб олиб, маблағни ўз эҳтиёжлари учун сарфлаган.
Шайхонтоҳур тумани ИИБ Киберхавфсизлик бўлими ходимлари томонидан ўтказилган тезкор тадбирлар натижасида жиноятни содир этган шахс аниқланиб, ушланган ва тергов бўлимига топширилган.
Мазкур ҳолат юзасидан Жиноят кодексининг 169-моддаси (ўғирлик) билан жиноят иши қўзғатилган. Ҳозирда тергов ҳаракатлари давом эттирилмоқда.
