Сурхондарё вилоятининг Бойсун туманидаги ўрмонда қуруқ ўт ва шох-шаббалар ёнди. Ҳодиса 12 август куни соат 17:15 да “112” тизими орқали маълум қилинган.
Ёнғинни бартараф этиш ишларига ФВБдан 194 нафар ходим ва 8 та техника, Бойсун давлат ўрмон хўжалигидан 60 нафар ходим ва 3 та техника, шунингдек, 55 нафар маҳаллий кўнгилли жалб этилган.
Сурхондарё вилояти ФВБ маълум қилишича, 15 август соат 09:00 ҳолатига кўра, ёнғин тўлиқ бартараф этилган. Ҳодиса оқибатида тахминан 1 гектар майдондаги қуруқ ўт ва шох-шаббалар ёнган.
Ҳодиса натижасида тан жароҳати олганлар ҳақида маълумот келиб тушмаган.
