Давлат хавфсизлик хизмати Чегара қўшинлари ҳарбий хизматчилари ҳамда Божхона органлари ҳамкорлигида ўтказилган тезкор тадбирда ноқонуний равишда мамлакатга олиб кирилаётган катта партия дори воситалари фош этилди.
Маълум қилинишича, Қозоғистондан Тошкент вилояти Қибрай туманидаги “С. Нажимов” чегара-божхона пости орқали кириб келган Фарғона вилоятининг Олтиариқ туманида яшовчи, 1973 йилда туғилган фуқаро бошқарувидаги юк автотранспорт воситаси текширилганда, озиқ-овқат маҳсулотлари орасига яширилган 52 турдаги, жами 95 369 дона тиббиёт буюмлари ва дори воситалари аниқланган.
Тезкор тадбир давомида ушбу юкни қабул қилиб олган Тошкент туманида яшовчи 1986 йилда туғилган фуқаро ҳам ашёвий далиллар билан ушланган.
Тегишли ҳисоб-китобларга кўра, ушбу дори воситаларининг умумий қиймати 1 млрд 323 млн сўмни ташкил этган.
Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.
