Руминия пойтахти Бухарестда ўтаётган “Grand Chess Tour 2026” доирасидаги “Super Chess Classic” турнирининг 2-тур учрашувлари якунланди.
Оқ доналарда ўйнаган Синдоров учрашув давомида рақибига қарши кураш олиб борди, бироқ партия 42-йўриқда Прагнанандҳанинг фойдасига ҳал бўлди.
Икки турдан сўнг ўзбекистонлик шахматчи 0,5 очко билан жадвалнинг қуйи қисмидан ўрин олган. У навбатдаги — 3-турда мусобақа етакчиси, француз гроссмейстери Максим Вашье-Лагравга қарши қора доналарда ўйнайди.
“Super Chess Classic” жаҳоннинг энг кучли 10 нафар гроссмейстерини бирлаштирган нуфузли турнирлардан бири ҳисобланади. Унда Фабиано Каруана, Аниш Гири, Винсент Каймер, Алиреза Фирузжа, Уэсли Со, Рамешбабу Прагнанандҳа, Богдан Даниэл, Максим Вашье-Лаграв ва Жордан ван Форест каби шахмат усталари иштирок этмоқда.
Турнир 23-майгача давом этади. Умумий мукофот жамғармаси 475 минг АҚШ долларини ташкил қилади.
Маълумот учун, “Grand Chess Tour 2026”нинг илк босқичи Варшавада ўтказилиб, унда америкалик Ханс Ниман ғолиб чиққан эди. Жавоҳир Синдоров ўша мусобақада 7-ўринни эгаллаган.
