Тошкентда қарийб 600 млн сўмлик электр энергиясини талон-торож қилганлар ушланди.
Тошкент шаҳри Олмазор тумани, Тошкент вилояти Қибрай тумани ва Оҳангарон шаҳрида жами ярим миллиард сўмдан ортиқ электр энергиясидан ноқонуний фойдаланиш ҳолатлари аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар қилди.
Маълум қилинишича, Қибрай туманидаги “Z.S.” МЧЖ 279,7 млн сўмлик, Оҳангарон шаҳридаги “P.P.” МЧЖ 180,5 млн сўмлик, Олмазор туманидаги умумий овқатланиш шохобчаси эса 111,9 млн сўмлик электр энергиясидан ноқонуний фойдаланган.
Ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари олиб борилмоқда.
