Хабарингиз бор, айни пайтда юртимиздаги эпидемик вазиятни инобатга олиб, карантин тартиби жорий этилди.
Хўш, Ўзбекистон Республикасида авваллари ҳам карантин тадбирлари ўтказилганми? Агар ўтказилган бўлса қачон ва унда қандай касаллик тарқаган эди? Ушбу саволга Санитария-эпидемиология назорати давлат инспекцияси бошлиғи Нурмат Отабеков жавоб берди:
— Ҳа бўлган, фақат 1966 йилда собиқ иттифоқ даврида Қорақалпоғистон Республикасида вабо касаллиги тарқалганлиги учун карантин ўрнатилган. Ўзбекистонлик тиббиёт соҳасидаги катта катта олимлар саъй-ҳаракати билан вабо касаллигининг республика бўйича кенг тарқалиб кетишига йўл қўйилмаган.
Эслатиб ўтамиз, айни пайтгача Ўзбекистонда коронавирус беморлари сони 172 нафарни ташкил этмоқда.
Шунингдек, 27 март куни коронавирус билан касалланган наманганлик 72 ёшли аёл вафот этди.
28 март куни эса 1 нафар бемор (эркак)да ўлим ҳолати қайд этилди.
Айни пайтгача эса 8 нафар бемор бутунлай соғайди, бироқ фарғоналик беморнинг аҳволи оғирлигича қолмоқда.
