Ҳудудий электр тармоқлари АЖнинг “Энергосавдо” филиали Андижон бўлинмаси етакчи юристконсульти қишлоқ хўжалиги маҳсулотлари ишлаб чиқариш билан шуғулланувчи МЧЖга нисбатан расмийлаштирилган далолатномага кўра, электр энергиясидан нотўғри фойдаланиш бўйича ҳисобланган 788,4 млн сўмлик моддий зарарни бартараф этиб бериш эвазига 5 минг АҚШ доллари талаб қилган.
Жорий йилнинг 1 май куни у сўралган маблағдан 500 АҚШ долларини олган.
Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда у қолган 4500 АҚШ долларини олган вақтида ашёвий далиллар билан ушланди.
Ҳозирда юристконсультга нисбатан жиноят иши қўзғатилиб, тергов ҳаракатлари олиб борилмоқда.
Фуқароларга шу каби қонунбузилиш ҳолатларига дуч келган тақдирда ДХХнинг 1520 қисқа рақамига қўнғироқ қилиб хабар бериш тавсия этилди. Шахс сир сақланиши кафолатланади.
