Узбекистан Аирвайс авиакомпанияси жорий ҳафтадан бошлаб республика ичидаги йўналишлар бўйича қуйидаги қатновларни амалга ошира бошлашини эълон қилди:
Тошкент-Нукус-Тошкент пайшанба ва якшанба кунлари — Тошкентдан кетиш 15:30 да, Нукусга келиш 17:10 да. Нукусдан кетиш 19:40 да, Тошкентга келиш 21:00 да.
Тошкент-Урганч-Тошкент чоршанба ва шанба кунлари — Тошкентдан кетиш 15:30 да, Урганчга келиш 17:00 да. Урганчдан кетиш 19:40 да, Тошкентга келиш 20:50 да.
Тошкент-Бухоро-Тошкент душанба ва жума кунлари — Тошкентдан кетиш 10:30 да, Бухорога келиш 11:40 да. Бухородан кетиш 14:10 да, Тошкентга келиш 15:10 да.
Ҳаво кемасида ва аэропорт биносида карантин қоидаларига риоя қилиш, шу жумладан тиббий ниқоб ва қўлқопда бўлишингиз керак, дейилади компания хабарида.
Эслатиб ўтамиз, кеча, 16 июндан Тошкентдан вилоятларга жўнайдиган автобуслар ва темир йўл қатновларининг жадвали эълон қилинган эди.
