КХДР Жанубий Корея томонидан илгари сурилган зиддиятни юмшатиш мақсадида элчиларни жўнатиш бўйича таклифини рад этди. Бунинг ўрнига, Шимолий Корея чегара яқинига ўз ҳарбийларини жойлаштирди.
Бир кун аввал эса КХДР кореялараро алоқа биносини портлатиб юборган эди. Жанубий Корея армиясининг қўмондони Жеон Донг Жин қўшнисини бундай ҳаракатлардан тийилишга чақирди.
"Бу каби ҳаракатлар узоқ вақтдан бери Корея яриморолида тинчлик ўрнатиш бўйича амалга оширилган барча келишувларни йўққа чиқариши мумкин, Шимол эса, бундай ҳаракатлардан тўхтамаса, албатта қилмишига яраша олади”, деди қўмондон.
Жанубий Корея ҳукуматининг матбуот котиби чоршанба куни Ким Чен Иннинг синглиси томонидан айтилаётгаён сўзлар икки давлат раҳбари ўртасидаги муносабатларга путур етказишини айтди, дея ёзмоқда Ўзрепорт нашри.
Ким Чен Иннинг синглиси Ким Ё Чен бир кун аввал Жанубий Корея президенти ҳақида ҳақоратли сўзларни айтган эди. Жумладан, у Мун Чже Ин “ўз бўйнини АҚШ томонидан тортилган арқонга осиб қўйди” деди.
Эътиборлиси Шимолий Корея раҳбари Ким Чен Иннинг ўзи бир неча кундан бери бирор марта омма олдига чиқиш қилмади.
