Хорватия президенти ҳам Москвадаги парадда иштирок этмайди. Унинг самолёти бузилиб қолган

Хорватия Президенти Миланович ҳам 24 июнь куни Москвада бўлиб ўтадиган Ғалаба парадига бормайдиган бўлди. Бунга дипломати корпус вакиллари ҳукумат раҳбарини олиб юрадиган самолёт бузилиб қолганини сабаб қилиб кўрсатишмоқда. 

Шундай қилиб, ҳар хил сабаблар билан фикрини ўзгартирган раҳбарлар уч кишига етди. Булар Арманистон бош вазири, Туркманистон ва Хорватия давлат раҳбарларидир.

Эслатиб ўтамиз, Озарбайжон ва Арманистон раҳбарлари ҳам Москвада бўладиган Ғалаба парадида иштирок этолмаслигини маълум қилган эди.

Москвадаги парадда Ўзбекистон Президенти Шавкат Мирзиёев иштирок этиши  кутилмоқда. Шунингдек, тадбирда ўзбек ҳарбийлари ҳам иштирок этиши маълум қилинган.