Афғонистонда «Хайратон — Мазори-Шариф» темирйўл йўналишида янги қуруқ порт ишга туширилди. Ушбу линияни «Ўзбекистон темир йўллари»нинг қўшма корхонаси бошқаради.
Маълум қилинишича, янги логистика терминали биринчи юк поездини қабул қилди ва юкларни тушириш ишлари бошлаб юборилди.
Томонлар темирйўл йўналишининг ўтказувчанлигини ошириш, шунингдек, Наибобод станциясида 1650 метрлик қўшимча тармоқ қуриш масаласини муҳокама қилган.
Лойиҳа юк ташиш ҳажмини ошириш, вагонлар тўхтаб туриш вақтини қисқартириш ва умумий самарадорликни яхшилашга хизмат қилиши кутилмоқда.
Афғонистон томони лойиҳаларни тезкор амалга ошириш бўйича тегишли идораларга топшириқ берди ва юк ташиш ҳажмини оширишга тайёр эканини билдирди.
