Айни пайтга қадар Ўзбекистонда коронавирус инфекцияси қайд этилганлар сони 1939 нафарни ташкил қилмоқда.
Кечанинг ўзида 100 нафар бемор тузалиб, айни пайтда мамлакатимиз бўйлаб коронавирус инфекциясидан бутунлай соғайганлар 992 нафарга етди, тузалганлар орасида 2020 йилда туғилган чақалоқ ҳамда жуда оғир аҳволда клиникага олиб келинган 72 ёшли бемор ҳам бор.
Шунингдек, ҳозиргача 8 киши вафот этган.
Республика бош давлат санитария инспектори Нурмат Отабековнинг маълум қилишича, айни пайтда Ўзбекистонда коронавирусга чалинган беморлардан икки нафари оғир аҳволда.
Маълум қилинишича, Ўзбекистонда ўпка вентиляцияси аппаратлари куз ойидан ишлаб чиқарила бошланади.
МТВнинг хабарига кўра, боғчаларга йўлланма берилиши карантин тугагандан сўнг навбати билан давом этади.
