Президент Шавкат Мирзиёевнинг Наманган вилоятига қилган 2 кунлик ташрифи доирасида 28 июнь куни бўлиб ўтган Халқаро пресс-клубнинг сайёр сессиясида айнан шу савол ҳам ўртага ташланди.
Наманган вилояти ҳокимининг биринчи ўринбосари Толиб Юсупов Наманган вилоятидаги камбағаллик даражасининг аҳволи бўйича қуйидаги маълумотларни тақдим этди:
"Наманган вилоятида 24 минг оила “темир дафтар”га киритилган.110 минг хонадон бор. Шулардан 39 мингтаси ишга яроқли деб танлаб олинган. Ҳозирги кунгача 18 мингтаси иш билан таъминланган. Жорий йил октябрь ойигача қолган қисми ҳам иш билан таъминланади. Тармоқ йўналишлар бўйича барча амалга ошириладиган ишлар режаси ишлаб чиқилиб, жорий қилинмоқда".
Шунингдек, Наманган халқининг пули нима учун кўплиги ва нега улар пулларини уйларда сақлашларига изоҳ берилди.
"Наманган шаҳри аҳолиси тадбиркорликни уйдан бошлайди. Ҳар бир хонадоннинг уйида томорқаси, чорваси бор, кунлик ҳунармандчилик иши бор. Шунинг учун уйда сақлашсалар керак. Президентимизнинг сиёсати туфайли сўнгги 3 йил ичида вилоятда тадбиркорлик янада ривожланди. Кеча давлат раҳбари томонидан заргарлик ҳунармандчилик йўналишини ривожлантириш таклиф қилинди. 80 та сулолавий заргар усталар йиғилган заргарлик Марказини ташкил қилиш режалаштирилган", - деди Толиб Юсупов.
Бу саволга жавобан "Нуран уз" МЧЖ таъсисчиларидан бири Нурали Aбдуллаев ҳам пулни қандай сақлашини айтиб ўтди:
"Иқтисодчи бўлганим кўп ҳолларда фойда беряпти. Мен ўзим пулни уйда сақламайман. Уни инвестицияга йўналтираман. "пул-маҳсулот-пул" иқтисодий тамойили асосида иш юритаман."
Мавзуга оид:
Ҳокимлар сешанбадан шанбагача халқ ичида юради
“Тила тилагингни.”: Учқўрғон “камалак” балиғи эртак эмас
40 йиллик ташландиқ ер 3 ойда серҳосил майдонга айланди
Чортоқликлар учун “мумкин эмас” деган иборани қўллаш мумкин эмас
