Май-июнь ойларида Қозоғистон—Ўзбекистон чегарасида қолиб кетган ўзбекистонликлар ҳақида хабар берилган эди. Улар чегара пунктида Ўзбекистон фуқароларини ўтказиш бўйича йўлак яратишни талаб қилишаётганди. Уларнинг бир қисми ўша вақтда махсус автобусларда олиб келинганди.
Ўзбекистон Президентининг топшириғи билан Республика махсус комиссияси, ДХХ Чегара қўшинлари ва Ўзбекистоннинг Қозоғистондаги дипломатик ваколатхоналарининг биргаликдаги саъй-ҳаракатлари натижасида 8 июль куни фуқароларнинг чегарадан эркин ўтишига тўсқинлик қилувчи барча техник ва ташкилий масалалар ҳал қилинди.
Фото: Tengrinews
Маълумотларга кўра, 8 июль куни кечқурун ва 9 июль куни «Жибек жоли»—«Ғишткўприк» назорат-ўтказиш пунктидан 3746 нафар фуқаро ўтказилган.
Таъкидлаш керакки, икки давлат чегарасидаги ҳудудда тўпланиб, юртга киришга рухсат берилишини кутаётган ўзбекистонликлар мураккаб шароитда бир неча вақт яшашларига тўғри келган. Улар чегара пунктида жорий этилган тўсиқлар олиб ташланишини хурсандчилик билан кутиб олишди. Видео:
