Монополияга қарши курашиш қўмитаси томонидан “UZAUTOMOTORS” АЖда “Рақобат тўғрисида”ги қонун талаблари бузилиши бўйича қўзғатилган ишни 19 август куни кўриб чиқилгани ҳақида хабар берган эдик.
Қўзғатилган ишнинг кўриб чиқилишида компаниядан бирор вакил қатнашмаган эди. Иш охирида комиссия “UZAUTOMOTORS” АЖ автомобиллар нархини 3 млндан 19 млн сўмгача тушириши кераклиги тўғрисида қарор қабул қилганди.
"UzAvto Motors” АЖ Монополияга қарши курашиш қўмитасининг қарори устидан Тошкент шаҳар маъмурий судига шикоят киритибди. Бу ҳақда Олий Мажлиснинг қуйи палата депутати Расул Кушербаев маълум қилди.
-- Суд шу йилнинг 2 октябрь куни соат 10.00 да Тошкент шаҳар маъмурий суди биносида бўлиб ўтаркан.
Судда Монополияга қарши курашиш қўмитасидаги махсус комиссиянинг
21/31-сонли иш буйича 19.08.2020 йилдаги карорини хақиқий эмас, деб топиш ҳакидаги шикоят аризаси кўриб чиқилади.
Монополияга қарши курашиш қўмитасидаги махсус комиссиянинг
21/31-сонли иш буйича 19.08.2020 йилдаги қарорида "UzAvto Motors” АЖдан енгил автомобиллар нархининг асоссиз оширилган қисмини тушириш ва ортиқча олинган маблағни истеъмолчиларга қайтариш вазифаси юклатилган эди.
Кўрамиз суд бу ишни қанчалик мустақил кўриб чиқиб, қонунларга асосан қарор қабул қиларкин.
Шунча қийинчилик билан халқ розилиги учун бошни кундага қўйиб қилинаётган ишдан хафсала пир бўлмасинда ишқилиб, деб изоҳ қолдирган депутат ўз телеграм каналида.
Мавзуга оид қуйидаги материалларни ўқиб батафсил маълумотга эга бўлишингиз мумкин:
